Ua tuuaia e le sui faipule o le itumalo o Northland, matt King le lava o alii ma tamaitai leoleo o loo iai I totonu o le atunuu

O sana ia lea tali I le mataupu ua fesiligia ai le mafuaaga o le alu toatasi o le tamaitai leoleo lea na osofaia e ni alii se toalua I le itula e 4 I le vaveao o le Aso Lua o le vaiaso nei I Northland

E eseese finagalo faaalia o I latou sa avea o ni leoleo I tausaga ua mavae I luga o tala a le Herald, o nisi o loo faateia I le alu toatasi o lea tamaitai leoleo e soalaupule lea mataupu I le vaveao, ao nisi e le o fou ia I latou le tala ua oo mai o le faigaluega toatasi e aunoa ma se isi leoleo lagolago aua lava le saogalemu

Ae I nei molimau e foliga mai o le toatele o ofisa leoleo I nuu I tua, e faigaluega taitoatasi, ma o le tulaga foi lea ua molimau ai le faipule, sa ui mai ai foi

Ma ua ia faatalosag ai ua tatau ona faaopoopo nisi leoleo fou, aemaise lava le faafaigaluega o leoleo o loo nonofo I nuu ma alalafaga e latalata I ofisa I nuu I tua

O le tulaga e lelei ai e le I afaina lea tamaitai leoleo I pulufana o laau malosi na osofaia ai, aemaise o lona to’a e toe vave liliu ese mai. E oo mai I le taimi e tuufaatasia ai tala fou, e le I maua lava alii e toalua na faia lenei osofaiga