E silia ma le 80 Kiwisaver providers poo I latou o loo faaputu iai Kiwisaver, o loo inivesi I kamupani o loo gaosia ma faatotogaina auupega niukilia
O suesuega a le Mindful Money, ma ua saunoa ai le pule sili Barry Coates e tusa ma tala a le Newshub, e silia ma le $52 miliona tupe inivesi faamauina I le faaiuga o Setema o le tausaga talu ai
O ni maliega o loo faia e aunoa ma le malamalama iai o tagata lautele, ma ua saunoa ai le pule sili, e tatau ona silafia e tagata nei maliega
Ua sau ai ma le fautuaga a Barry, e tatau I tagata uma ona saili poo fea o loo inivesi iai a latou tupe teu e ala Ie Kiwisaver, ma afai ae mautinoa ua tatau loa ona fesiligia le mafuaaga
O loo sau ai foi I lea suesuega, e tusa ma le toafa o le toalima o tagata e le o mananao e inivesi a latou tupe I ni faiga faapaaga o loo lagolagoina le gaosia o aupega, taaloga fai tupe poo nisi lava faiga faapaaga o loo afaina ai aia tatau a tagata soifua
