Ua faailoa e le Palemia o Niu Sila o Christopher Luxon o Niu Sila ma Meleisia ua tutū faatasi i le valaau atu mo le taofia loa o osofa’iga i Gaza e ui e iai vaega o loo eseese ai finagalo e faatatau i le Hamas.
O loo iai Luxon i lana malaga asiasi i Meleisia i le taimi nei faatasi ai ma lana aumalaga faapisinisi i le faamoemoe e una’ia tulaga faapisinisi i le va o atunuu e lua i totonu o le isi ono tausaga.
Ua faailoa i lipoti mai le televise tasi o loo iai le naunauta’iga o le alii Palemia ma le Palemia foi o Meleisia o Anwar Ibrahim e galulue faatasi foi e tali atu i mataupu tau solitulafono ma faiga faatupu faalavelave.
Na saunoa foi le ta’ita’i o Meleisia i lea lava lipoti sa faatalanoaina foi i le la fonotaga le mataupu e faatatau i le South China Sea, le osofa’ia e Lusia o Ukraine ma le mataupu e faatatau ia Gaza.
Puna o Faamatalaga: https://www.1news.co.nz/2024/09/02/new-zealand-malaysia-calls-for-immediate-ceasefire-in-gaza/
