Ua faailoa le uluai ‘au fili a le Manu Samoa o lenei tausaga 2024 i le ta’ita’iga a le faiaoga fou na filifilia i le tausaga nei, le afioga Mase Mahonri Schwalger.
E 32 le ‘au ua filifilia ma ua aofia ai le toaiva na taaalo i le ‘au o le Moana Pasefika ma le toatolu mai le ‘au o le Manuma Samoa.
O le masina fou o Iulai e lua taaloga faitaulia poo test matches a le Manu Samoa o le a faia i le atunuu ma o le a taaalo ai ma ‘au a Italia ma Sepania.
O le aso 5 o Iulai le taaloga faitaulia muamua ma Italia o se tasi o ‘au malosi i le vaega o ‘au pito i luga le Tier 1, ae o le aso 13 o Iulai le taaloga faitaulia ma Sepania.
Ua faailoa e le faiaogaulu e to’a 12 tama lakapi ua lē filifilia ona o loo manunu’a.
O i latou ia e aofia ai:
1. Jordan Lay
2. James Lay
3. Donald Brighouse
4. Suetena Asomua
5. Miracle Failagi
6. Taleni Seu
7. Rodney Yona
8. Jacob Umaga
9. Tumua Manu
10. Henry Taefu
11. Neria Fomai
12. Pepesana Patafilo
