E foliga o taaloga amata o le Super Rugby Pacific i le vaiaso talu ai ua agiga faatasi ai ma faitioga poo ni finagalo faaalia o alii taaalo i smart mouthguards sa muai faaaogāina i le vaiaso talu ai.
O tama taaalo e pei o Quentin Strage ma Anton Linert Brown na aveese mai ma le taaloga mo le faia o siaki o ulu ina ua faaaogā faailo ane mai le app.
O le vaiaso nei la ua faia suiga i tulafono o le taaloga e faatatau i le mataupu lenei ma o le a lē toe aumaia i tua mai le malae tama taaalo ae o le a siakiina e se tasi mai le team poo le vaega o fomai i luga o le malae ma afai e lē pasia le siaki ona faatoa ave lea i tua ma le malae.
E eseese finagalo o le aumaimoa i le mataupu lenei, o nisi o loo lagolago i smart mouthguards ona o le faigofie ai ona iloa o ni manu’aga e ono aafia ai tama taaalo ae fai mai nisi ua faalavelave tele ia ituaiga mouthguards ua umi ai ma le taimi ma’umau o le taaloga.
