A itiiti mai pe toavalu tagata ua lipotia mai ua maliliu I Kalefonia I Amerika ise faalavelave ua lipotia mai ai faamaonia e le taitai leoleo ole Santa Clara Sheriff’s office I San Jose.
Fai mai lipoti o le o loo masalomia I le faalavelave o se tagata faigaluega I le Valley Transportation Authority poo le VTA ma ua maliu.
O le suafa o loo taua mai o Sam Cassidy ma ua maua ane foi e leoleo lipoti e faatatau I ni mea faapapa o loo I totonu o le fale I lea nofoaga na tupu ai le faalavelave ma o loo iai foi ma le vaega e feagai ma mataupu tau I pomu o loo galulue ai I le faia o le suesuega.
Fai mai molimau na faalogoina le pa pa ane o fanam ai le faaitu lea o se nofoaga e teu ai trains, light rail ma o loo fetauaina o isi o I latou ua maliliu o tagata faigaluega I le kamupani lava lea e tasi.
Ua taofia ai faigamalaga a trains ae o le kamupani lea o le VTA e feagai ma le faagaioia o auaunaga I pasi ma nofoa afi ma pe a ma le 2 afe ona tagata faigaluega,
O loo faia nei suesuega.
