E to’alua talavou na malelemo i se nofoaga taatele mo ta’elega i le Sunshine Coast i le aoauli ananafi.
Ua ta’ua mai lipoti na taunuu ane le fesoasoani faavavave i Wappa Falls poo le ‘afa o le 2 i le aoauli ma e talitonuina o se teine talavou 16 tausaga na pa’ū i le afu ma puna loa iai le isi tama talavou 17 tausaga e taumafai e lavea’i.
Na faia su’esu’ega ma maua ai le tino maliu o le tamaitai poo le ‘afa o le 3 i le aoauli ae o le alii faato’ā maua i le te’a o le 7 i le afiafi.
Ua tapunia lea nofoaga i le asō a o faia su’esu’ega ma saunia foi lipoti a leoleo e tuuina atu i le coroner.
Puna o Faamatalaga: https://www.9news.com.au/national/sunshine-coast-queensland-drowning/1c5b194b-9321-406d-99d8-7d749b88c349
