Ua faaluaina le to’atele o tagata faigaluega a le Inland Revenue e tuliloaina tagata o loo nofo aitalafu i tupe nei na totogi ai a latou aoga, student loans.

O lea ua oo i luga i le $2.37 piliona aitalafu nei, ma o le $2.2 piliona o lea vaegatupe o loo nofo aitalafu ai i latou ua nonofo nei i atunuu i fafo, ma o le to’atele o loo i Ausetalia.

Ua lipotia e na o le 29% o lea aofa’i o loo faamaoni mai e totogi a latou aitalafu e pei ona maitauina i le 12 masina ua alu.

Fai mai ai le IRD o le tele o aitalafu nei o loo nonō ai tagata i le va o le 40 ma le 50 tausaga le matutua, ma o i latou foi nei e leai ma se mea ua totogia.

Ua galulue faatasi le IRD ma pulega o loo aoaoina mai aitalafu a tagata e lē gata i Ausetalia ae faapea Peretania, ma e 7,000 igoa lea ua tuuina atu i le pulega i Ausetalia na te tuliloaina.

E ese mai i lea faiga o lea lava foi e talanoa ofisa o lafoga a Niu Sila faapea Ausetalia e ala i le fefaasoaa’i o tupe maua a tagata nei o loo su’e.

Puna o Faamatalaga: Inland Revenue calls in debt collectors over overseas student debt