O lea ua tali aloa’ia mai le tamaitai faipule sa i lalo o le faamalu a le pati a le Greens, Darleen Tana, e lē faamavae.
O lea na tusi ta’ita’i e toalua o le Greens, Chloe Swarbrick ma Marama Davidson ia Tana e faamavae mai le Palemene ma o se tusi na faia e tusa ma ta’iala o faiga faavae.
Na sau ai ma le tala afai ae lē faamavae o le a fono loa le pati i le aso muamua o Setema e filifili pe lē ua talafeagai loa ona faaaogā le tulafono lea e faatulafonoina ai le suia o pati e faamālōlō tumau ai Tana mai le Palemene.
O loo lagolago e Chris Hipkins o le Labour le faai’uga a le Greens.
Ae i se tali a Tana ananafi, e lē faamavae ma o loo teena foi le fuafuaga a le Greens lea ua taumafai ai e faaaogā lea tulafono e faate’a ai o ia.
Puna o Faamatalaga: Former Green MP Darleen Tana says they have no intention of resigning | RNZ News
