E to’afā tagata maliliu ae pe ā ma le to’aiva ua manunu’a ona o osofa’iga e faaaogā ai se laau malosi i se tasi o a’oga maualuga e lata i Atlanta i Amerika.

Ua lipotia mai ai le faalogoina o laau malosi o pāpā i le a’oga maualuga a Apalachee High, ma o lea na faanatinati atu iai mātua e fia iloa poo saogalemu fanau.

E oo mai i le taimi o tala fou o lea ua iai le talavou e faapea e 14 tausaga le matua ua ave e leoleo, peitai e lē o manino mai i le taimi nei pe faamata o ia o se talavou e a’oga ai i lea a’oga.

I tala a le CNN e tusa ma le 30 tagata manunu’a, ma e lē o mautinoa pe fia sa’o na manunu’a ona o pulufana.

O le a’oga maualuga lenei o loo a’ooga ai le tusa ma le 1,900 fanau a’oga.

Puna o Faamatalaga: 4 dead, at least 9 injured in shooting at high school near Atlanta, authorities say (yahoo.com)