Ua lipotia i le leitio faavaomalo a Niu Sila i le asō le galulue ai o le ausu’esu’e ma le kamupani a le Ea Niu Sila e faamautū pe aisea na vaaia ai aloiafi ma le asu o alu ane mai se vaalele na tulaueleele i le malaevaalele i Ueligitone i le Aso Sa na te’a nei.
Fai mai e 40 le pasese na aga’i ane i luga o le runway ina ua tulaueleele le vaa i Ueligitone, ae na malaga ane mai Kalaiesetete.
Ta’ua sa faailoa e le pailate le tulaga o le faigāmalaga ma tulaueleele saogalemu ai ae o loo feta’ua’ina o se faaletonu i le afi o le vaalele.
Na saunoa ai Irene King o se aviation commentator o pailate ua mae’a ona faia toleniga i tulaga faapea ma o vaalele e ta’ilua afi ae mafai ona lele i le afi e tasi ae o le fesili pe aisea ua tupu ai lea tulaga.
O le ausu’esu’e mai le Transport Accident Investigation Commission ma le ausu’esu’e a le Ea Niu Sila lava ia o loo galulue i le faamautuina o le tulaga lea ma o loo fia iloa foi e le to’atele le mafuaaga o ia faaletonu.
Puna o Faamatalaga: https://www.rnz.co.nz/news/national/526875/urgency-to-understand-why-flames-and-smoke-were-coming-from-plane
