O loo sue e leoleo le alii e talitonu leoleo o ia lea na fasiotia le talavou i se tasi o kapaka i Kalaiesetete.

 O le vaveao o le Aso Toonai na faaoo ane ai ripoti i leoleo i le maea maua o Levi Haami ma manuaga tuga i le kapaka a le Countdown i Moorhouse Ave.

O le alii talavou 18 tausaga ia Haami na auina atu ai loa i le falemai i Kalaiesetete mulimuli ai uma lona ola i le aoauli ananafi.

Ua suesueina ai nei o se mataupu ua maliu ona ua faaoo iai e se tasi le oti, ma i ripoti a le Stuff anapo o loo atagia mai ai o loo silafia e leoleo le na faaooina le oti ia Haami.

Taua mai foi o le ua maliu na ia le iloa ai se mea i le taimi na osofaia ai, ma o se osofaiga ua tupu i le po muamua ua moli lanu moli ai Kalaiesetete i le traffic light system lea e tatala ai papu ma faleaiga e aunoa ma ni aiaiga mo tagata ua uma tui puipui e lua o le Koviti.

Masina talu ai na fasiotia ai foi isi talavou e toalua faia faavaveao i Kalaiesetete lava.

O loo tatala pea le avanoa i soo se tasi e silafia nisi faamatalaga ao faaauau ai pea suesue a leoleo.