Ua saunoa lē sa avea muamua ma ta’ita’i o Siamani i tausaga ua tuana’i atu, Angela Merkel o le maliega na ia faia ma Lusia e faatatau i le kesi sa faia ina ia fesoasoani ai ia Siamani ma ana pisinisi aemaise ina ia faatumau ai le nofo filemu ma Moscow.
O le faamatalanoaga a Merkel ma le BBC ua ia faia ai ia faamatalaga ma fai mai a ia o le taua a Lusia ma Ukraine semanu ua leva ona amata pe ana ia lē polokaina le ulufale o Kyiv i le NATO i le 2008.
E 16 tausaga o ta’ita’ia e Merkel lona atunuu o Siamani ma sa fesiligia ai e le aufaasalalau pe na te manatu ua faatuai ona ia fesoasoani ia Ukraine ma lona polokaina o le avea o Ukraine ma sui o le NATO i le 2008.
E lē o ioeina e le peresetene o Ukraine i le taimi nei ia faamatalaga a Merkel, fai mai a ia o le faai’uga a Merkel sa faia e poloka ai le ulufale o Ukraine i le NATO o se faamalosi’au tele lea mo Lusia.
Fai mai Merkel sa ia faatino lea mea e gata ai lona malosi ia faamautinoa e iai le filemu i fesoota’iga ma Lusia ma o le faamaoniga o ana faamatalaga ana lē aga’i ese ma le tofi e lē osofa’ia loa e Putin Ukraine ae faato’ā na o ni nai masina na alu ese ai.
Puna o Faamatalaga: https://www.bbc.com/news/articles/c3e8y1qly52o
