Ua iai le fuafuaga a le malo i Niu Sa Uelese o le a faaaogā le Rosehill Racecourse poo le malaetutuu lea i Sini e fausia ai ni fale fou pe ā ma le 25 afe, o nisi ia o galega ua fuafua e le malo mo le Metro West auā lona faaleleia atili.
O ia fuafuaga e pei ona faalauiloa e le faigamalo ua faamaonia ai e faitau miliona tupe o le a faaalu ai i le mae’a o le mau masina o taofia pea lea fuafuaga ona o popolega i lona tau ma le taimi.
O se maliega mo le malamalaaga, MOU ua saini e le faigamalo o iai nei ma le Australian Turf Club i le mae’a o se maliega e toe faaleleia ai Rosehill.
Fai mai o le a fausia ai ma se train station ma o le faamatalaga a le malo o se tasi lenei o galuega tele o le a o latou faatino o se faigamalo.
E lē o mautinoa i le taimi nei poo fea tonu le nofoaga o le a faasee atu iai le malaetutuu.
