E tasi le taavale na susunuina ma isi taavale pe ā ma le 10 ua spray ai i luga tusitusiga i le faaitu o Woollahra i le itu i Sisifo o Sini.

Fai mai na faaleagaina ai foi ma nisi o fale i le osofa’iga lea ma valaau ane ai leoleo i le te’a laititi o le ‘afa o le 12 i le vaveao analeila.

E lē o iai se tasi o ta’ua mai o faamanu’alia ae o le faamatalaga a leoleo o taavale e 10 sa faapaka i Wellington Rd ma isi magāala lalata ane ua tusitusia uma ma i ia tusitusiga e foliga o loo upuia ma itagia ai Isaraelu e fua i ata o taavale na aafia ua vaaia i luga o upega tafa’ilagi.

O loo faagasolo nei le su’esu’ega a leoleo ma faatalia ai se lipoti lata mai pe a feiloa’i ma tusitala i se taimi o le asō.

Na faailoa ai se finagalo o le Palemia o Ausetalia, Anthony Albanese i le faalavelave lea ma ia ta’ua ai e leai se avanoa o ni uiga faailogalanu faapea i totonu o Ausetalia.

Fai mai le Palemia, o vevesi i atunuu i fafo e lē tatau ona avea o se faavae o ni faiga faailogalanu i totonu o Ausetalia ma e matua’i lē taliaina ia gaioiga.

O loo atagia ai ma ni faamatalaga e faatatau i le kulupu a le PKK le Kurdistan Workers Party lea e lisi o se faalapotopotoga faatupu faalavelave i Ausetalia. 

Puna o Faamatalaga: https://www.9news.com.au/national/woollahra-vandalism-attack-cars-buildings-targeted-car-fire/c6188ac5-f563-44ff-88d9-b6db40828d89