E matuai faigata ona talitonu se tasi tina ua gaoia lana taavale ae na o sina taimi puupuu na agai ai i totonu o lona fale ae sau i fafo ua sosola ai le augaoi.

O le itu i Saute i Sasae o Melepone na gaoia ai lana taavale mai lava i luga o lona driveway.

Fai mai le lipoti a le 7News na faaola e le tina le taavale ma faaolaola mo sina taimi e faamafanafana ai mo si ana fanau, toe foi le tina i le fale e aumai tamaiti ae oo mai i fafo ua leai le taavale.

Na maua lelei i ata a le CCTV se taavale lanu meamata na agai atu i le taimi lea i fafo o le fale o le tina, oso i fafo se tamaitai mai lea taavale ma agai sa’o i totonu o le taavale a le tina e pei ona ta’ua ma oese mai ai taavale e lua.

Na tuu e le tuaoi i luga o le social media ata ma le faamatalaga ua lelei e lei iai tamaiti i le taavale i lea taimi.

O loo faaauau i le asō le suesuega a leoleo ae o le Aso Gafua o le vaiaso nei i le taeao na tupu ai lea faalavelave.

Puna o Faamatalaga: https://7news.com.au/news/melbourne-mother-has-car-stolen-after-she-leaves-it-running-for-a-few-minutes-in-narre-warren-c-15381997