O le tamā matua ia Saia Kokohu Vi lea na fana i le taeao o le Aso Gafua i Pakuranga i Aukilani ma maliu ai.
O se tagatanuu Tonga ma e faapea e fana o loo i totonu o lana courier van i lea taeao.
E lē mamao le nofoaga na fana ai ma lona aiga i Pakuranga lava, ma ua faamaonia mai foi e le Post Haste o se tasi o ana tagata galue faakonekarate.
O le fana ai o le tamā matua ua faapopoleina ai nei ma le toatele o aiga e nonofo i lea pitonuu ona o lea lava e lei maua lē na faia, ae poo se mea foi na fafau.
E tele fesili o loo tuufesili ai aiga e nonofo i lea vaega o Pakuranga, ae mai leoleo o lea o loo faaauau pea suesuega ma ua faatalosagaina foi aiga e iai ni ata mai meapu’eata poo nisi lava molimau e fesoota’i atu.
Ae mo i latou na asia Pakuranga i le va o le 5 i le vaveao ma le ‘afa o le fitu i le taeao o le Aso Gafua, o loo sailia mai mo nisi molimau.
I luga o le social media faapea lipoti o loo molimau ai aiga tuaoi, o le tamā matua ua maliu o se tagata e agamalu toe loto alofa.
Puna o Faamatalaga: Pakuranga homicide: Community grieving death of Tongan grandfather Saia Kokohu Vi | RNZ News
