Ua amata i le vaiaso nei ona tāpā le faatagana aloa’ia poo le Electronic Travel Authorisation mo tagata Niu Sila e ui aga’i i Peretania pe malaga foi i Peretania.
O visa nei e ulufale ai poo Electronic Travel Authorisation e na o le $22 tala Niu Sila le tau ma e 2 tausaga e a’oga ai.
O le suiga ua aloa’ia i le vaiaso nei e lē o faitaulia ai tagata sitiseni Peretania ma tagata Aialani.
Ua fai mai ai foi o lea e tatau ona toe maua lava le ETA i totonu o le 3 aso faigaluega ma e na o nai minute e faaalu e faaulu ai le talosaga i luga o le app.
Ua fai mai ai ma le Haikomesina o Peretania, John Pearson i tala a le leitio faavaomalo a Niu Sila, o se suiga e aogā tele e iloa ai le faitau miliona o pasese e aofia ai tagata Kiwi e feoa’i atu faavaomalo.
Puna o Faamatalaga: https://www.rnz.co.nz/news/national/538508/travelling-through-the-uk-you-might-need-to-apply-for-this-before-you-leave
