E 18 tausaga lea matua o le alii talavou lea ua maua e leoleo ma ua molia foi e tusa ma le faaleagaina o le taavale leoleo i Hamilton i le faai’uga o le vaiaso.
O miliga taavale ma faaviviliga pa’u nei na auai ai le silia ma le tasi afe i le po o le Aso Toonai ma e lē gata o le faaleagaina ai o auala ma taavale ae o le lē maua ai o se filemu mo aiga tuaoi i lea po.
A o faia ai galuega a leoleo o lea na faasolomuli iai se tasi o taavale ma soso’a, ma i faamaoniga e fā taavale leoleo na faaleagaina ai.
Na faaauau mai ai suesuega a leoleo ananafi ma maua ai loa le taavale lea na faaleagaina le taavale leoleo, ma o lea na lanu pa’epa’e i le po o le Aso Toonai ae maua ane faato’ā uma ona vali lanu uliuli.
O le talavou ua molia e mai Otorohanga ma e tu i luma o le faamasinoga i le Aso Faraile nei.
Puna o Faamatalaga: Arrest after police car allegedly rammed at boy racer event (1news.co.nz)
