E foliga o se faiga o le a masani ai ma faaauau pea le tuuina lea e le kamupani a le Samsung o ni telefoni fou mo alii ma tamaitai taaalo e fai ma sui o Ausetalia i taaloga tetele e pei o le Olimipeka ma le Paralympics i taimi uma e faia ai.

Ua faailoa mai e le 9News i le asō ua faailoa e le Samsung o le a tuuina e tofu le tagata taalo ma le telefoni fou le Galazy Z Flip 6 lea na faato’ā faalauiloa aloaia i le aso ananafi.

O le Samsung o le paaga a ia taaloga tetele ma ua faailoa e le kamupani le fiafia ua maua le avanoa e lagolago ai i alii ma tamaitai taaalo a Ausetalia mo Paris ma faaaogā foi a latou auaunaga faaonaponei e fesootai ai autaaalo ma o latou aiga.

E 10,500 le aumalaga mo le Olimipeka ma le 4,350 mo le Paralympics o lona uiga e silia ma le $26 miliona le lagolago a le kamupani mo lea faamoemoe.

Puna o Faamatalaga: https://www.9news.com.au/world/olympic-games-paris-2024-samsung-gifts-all-athletes-with-free-phone/b1d86537-a54d-4640-8729-facb0eaf8ba1