Ua maliu le toatasi o le toatolu o tagata Kiwi sa i luga o le vaa faila, lea na afatia e latalata i Fiti.
O tagata Kiwi e toatolu nei na faamanu’alia ina ua faaleagaina le la o le vaa failā i le po o le Aso Sa ma valaau mai ai mo se fesoasoani.
O le aoauli ananafi na aveesea mai ai le toatasi e le vaa a le ami a Fiti, o le isi toatasi na fesoasoani iai le meli a le Pacific Explorer ma togafitia ae maliu le isi.
O tagata toalua na laveaiina o lea o loo i Fiti i le taimi nei faatasi ai ma le tino maliu o le toatasi.
Ua mae’a logoina le ofisa leoleo i Niu Sila e tusa ma lenei faalavelave ma i lipoti mai le Maritime New Zealand e lei faigofie galuega laveai i le sami.
