O loo matua’i mausalī le faai’uga a le ta’ita’i o le Labour Christ Hipkins, latou te lē lagolagoina le AUKUS pe afai ae toe tula’i mai.
Saunoaga nei a Hipkins ananafi a o saunoa ai i le koneferenisi faaletausaga a le pati a le Labour, ma e lē gata ai la i le lē fia ofi atu i le AUKUS ae o le falema’i i Dunedin ma isi faai’uga e toe faatula’i ai le atunuu.
Ta’ua ai foi e Hipkins lona lototele o le a ia ta’ita’ia le patī i se faiga o le a ia momotu ai i le na o le tasi le paeaiga a le National, ma afai ae tupu i le palota o le 2026, o lona uiga ua tusia ai i talafaasolopito.
Ua manino mai ai foi i saunoaga a Hipkins, e lē toe galulue ma le NZ First a Winston Peters.
Mo le AUKUS lea lava e lē lagolagoina e le Labour, o se tasi lenei o faigafaapaaga o loo finau mai ai le to’atele ia faaaogā le pillar lona lua, poo le pillar lenei e fefaasoaa’i ai i tekonolosi i le va o Niu Sila ma atunuu e iai Ausetalia, Peretania, ma Amerika.
Puna o Faamatalaga: Future Labour govt won’t join AUKUS, Hipkins says
