Ua mae’a ioeina e Southland le faiga fou o le a mata’itū ai aiga e lē usita’ia le faiga o loo faaputu ai lapisi recycle.

O lea ua mae’a pasia e le Waste Advisory Group le system fou e faatolu loa ona reg tag aiga i totonu o le tausaga i le lē faia faalelei o lapisi recycle, o lona uiga o le a oo loa i le tulaga e lē toe iai se latou bin recycle.

I le va o le 2023 ma le 2024 e toeitiiti $340,000 tupe faaalu i le toe fetuuna’iga o bins recycle nei e uma ane ua toe tanu e pei o isi lapisi.

Fai mai ai le sui o le puleganuu a Southland, o se faiga ua leva ona talanoaina peitai e le’i mafai ona aloa’ia le three-strikes system, ma o lea ua oo loa i le taimi ua moomia ai le a’oa’o o tagata.

E lē fou le faiga lenei, o lea foi ua faia e isi puleganuu i totonu o Niu Sila e pei o Dunedin, Tauranga ma Aukilani.

E toe talanoa le atoaga o lenei faiga fou e le vaega faufautua pe a oo mai le masina o Aperila o le tausaga nei lava.

Puna o Faamatalaga: Recycling rule breakers in Southland could lose their bins