Tau uma foi le fia teuteu lumafale mo matamataga o le Kerisimasi.
Lagona lē fiafia ia o tagata o loo nonofo i Franklin Road i Ponsonby i Aukilani lea ua tusa ma le 30 tausaga o fai ma masani le teuteu o lumafale auā matamataga a tagata lautele i aso fiafia.
O Franklin Road o le auala lea e amata ki mai i le aso muamua o Tesema seia oo i le po o le Kerisimasi.
Peitai ua lagona le lē fiafia ona o tagata faipisinisi ua faaaogāina o se nofoaga e agai atu ai e sue ai a latou tupe.
O le molimau a tagata o loo nonofo i Franklin Road, o tagata nei e agai atu faatau moli, meaai faapea paluni e lē o ni tagata o le latou pitonuu.
