Ua faalauiloa nei le suia o le igoa a le Samoa Rugby Union agai le Lakapi Samoa ma le faailo (logo) fou i le ata o le teuila.
O lenei suiga na faailoa mai i le faaiuga o le vaiaso na tea nei o le tagatagai lea i le lumanai o le lakapi i Samoa ae faatuatuanai mea ua tuanai , o le ala lea o le suia ai o le igoa faapea ma le faailo.
Na tatala aloaia e le Palemia faaauau le tumau Tuilaepa Lupesoliai Sailele Malielegaoi lea faamoemoe ma na ia faamanatu ai suiga ua iai nei igoa o au lakapi uma a le atunuu.
E aofia ai le 1. Manu Samoa 15 lea ua suia nei i le na’o le Manu Samoa
2. Manusina 15 lea ua suia i le Manusina
3. Samoa Mens 7s lea ua suia i le Manu Samoa 7s
4. Samoa Women 7s lea ua suia i le Manusina 7s
5. Samoa A – suia i le Manumā Samoa
6. Samoa Under 20 Boys – suia i le Junior Manu Samoa
7. Samoa Under 20 girls – suia i le Samoana
8. Samoa Under 18 Boys – suia i le Tama Samoa
9. Samoa Under 18 Girls – suia i le Teine Samoa.
