Ua atoa le 100 o aso o iai pea aukilani i aiaiga o le vavao o le faamai koviti 19 talu ona taunuu mai faiga a le delta variant ile atunuu ma aafia ai soifua o tagata. I totonu o le tolu masina talu ai sa matele ina faafofoga tagata i tala ma lipoti o le koviti 19 ma aiaiga aemiase o lapataiga o le vavao ma le faia o tui puipui atoa ai ma le tapunia o pisinisi.
Peitai ile ogatotonu o nei mau lipoti ma mea na tutupu ile taimi o le faamai o loo iai foi ma nai faamatalaga ma tala o galuega alofa ma ni gaioiga ua faaosofia ai le faamoemoe mo nisi ona o le agalelei o nisi o le atunuu.
I le STUFF ile aso o loo lipotia ai se tamaitai e suafa ia Piripono Brown na fesoasoanni ise tina ma sana pepe I fafo ane o se faleoloa I Tokoroa. E le gata ile fesoasoani ile pepe ae sa ia faameaalofa foi nisi o oloa mo le tina ma lona aiga. E 24 tausaga o le tamaitai o Piripono ma ua amataina foi se ituallu I luga o le facebook e faaigoa Tokoroa Free Kai e fesoasoani ai I aiga o loo fia maua se fesoasoani aemaise lava I tulaga o taumafa. Fai mai lea tamaitai o ia foi sa faigata lona tuputupuae ma sa tele ina leai ni taumafa i la latou kapoti peitai e talitonu ile fesoasoani I soo se tagata mae o le tulaga lea e manaomia aemaise lava I taimi faigata faapenei.
O Piripono ua nao se toatasi o tagata ile atunuu atoa o loo faatino pea lenei matafaioi o le alolofa atu i tagata e manaomia le fesoasoani.
