E faitau selau ua toe faaleo le lē fiafia i le fiu e tatali refunds o le koneseti a Elton John lea na le oo.
O le koneseti lenei a Elton John i Aukilani e lei taunuu uma po e lua na faatulaga ona o lologa na iai, ma talu mai Ianuari o lea lava e tatali nisi ia latou refunds.
E lei faigofie i nisi ona o pepa ulufale sa totogi mo le koneseti o le 2020 lea na le taunuu ona o le Koviti ma taofi ai lava ma le faamoemoe e faaaoga i lenei tausaga.
I tala a le 1News ua toe molimau ai nisi o lea lava e tuli ma le Ticketmaster lea e faatauina pepa ulufale o polokalame nei.
Fai mai le Consumer NZ o le 21 aso lava le umi e tatau ona faatali ai se refund ae i se tali mai a le Ticketmaster o lea ua uma ona toe faafoi tupe a le tusa ma le 50,000 ma toe silia ma le 10,000 lea o loo totoe.
