E le o aiga uma o Aukilani o talileleia tusi telefoni a le Yellow Pages o loo tufaina I tausaga taitasi
O le Yellow Pages ua faamatalaina e nisi ua tele ai le otaota, e le o toe moomia, ma ua uma foi lona vaitaimi pe ua oldskool
O le tausaga e 2018 e silia ma le 14,000 tagata o Aukilani ua filifili e aveesea mai o latou igoa mai le lisi o fale o aiga o loo tufatufaina ai nei tusi telefoni
O loo mau tutusa ai nisi o faipisinisi faapea le sooupu a le vaega a le National I le siosiomaga, Scott Simpson, ua tatau ona suia metotia e faatautaia ai pisinisi a le Yellow
Peitai o ni manatu ua tali mai ai le pule sili fou o le Yellow Pages Tracey Taylor ma faaleaogaina uma
Saunoa Taylor e le moni nei faamatalaga o loo tele ai le otaota, atoa ai o le tufatufaina o tusi telefoni o loo toe ofoina atu ai le tusa ma le $1 miliona i charities I tausaga taitasi
O le isi itu taua o le tusitelefoni o numera nei mo faalavelave faafuasei lea o loo faakonekarateina e le malo e faailoa e le Yellow Pages, ma o se tasi nei o auaunaga taua
Ese mai I numera o telefoni, e oo atu I le 180,000 pisinisi I totonu o Niu Sila o loo faalauiloa I le Yellow Pages
