E fai si tele o fale ua faaleagaina ile osofaiga a Isaraelu I totonu o Gaza ma ua maliliu ai tagata palesitina e toa 42 e aofia ai ma tamaiti e toa 10. O ni tala faanoanoa mai lea faaitu o le lalolagi ao vaaia pea le tafanaina o loketi mai itu e lua ma le faaauau pea o vesiga,
Fai mai se faamatalaga ale Militeli a Isalaelu I lipoti I le aso e lei faamoemoeina se osofaiga I tagata lautele ma le toa 42 ua maliliu ae o le osofaiga sa agai I ana ua faaaoga e le vaega a le Hamas peitai ua aafia atu ai ma fale ua maliliu ai ma ia tagata.
Fai mai faamatalaga a le Hamas o le gaioiga lea a Isalaelu o se fasiotiga o tagata sa fuafuaina. O loo fono nei sui o Malo Aufaatasi faapea foi le UN Security Council e faatalanoa le vevesi lea.
O le faamatalaga mai le palemia o Isaraelu Benjamin Netanhyahu e faapea o loo ua o latou galulue nei poo le a lava le umi e manaomia ina ia toe faatumauina le filemu male nofo lelei o sitiseni o Isaraelu.O le aofai atoa o tagata maliliu I Gaza I le taimi nei mai le vevesi lea ua oo atu I le 192 e aofia ai ma tamaiti e 58. E toa 10 ua fasiotia I Isaraelu e aofia ai ma tamaiti e toalua
