O le taeao nei lea na faataunuuina ai le faatautoga o Minisita Lagolago o le Malo i totonu o le ofisa o le Kapeneta i luma o le tamaitai Palemia ma le Kapeneta.
E toa 11 Minisita lagolago na faatautoina i le taeao nei ma sainia a latou faatautoga e ala i se sauniga faalemalo e patino i le Kapeneta
I le saunoaga autu a le tamaitai Palemia Fiame Naomi Mataafa na ia ave ai le faamalosiau ma le upu tima’i i lana Kapeneta aemaise o Minisita lagolago i le taua o le galuega ua tofia ai.
“E aoga foi lenei nofoaiga ua tatou pale mai e vaavaai ai foi i ni auala e faalelei ai le auaunaga”.
Na faasoa ai foi Fiame i tulaga na iai o ia o se Minisita lagoalgo i tausaga e tele ua tuanai e fai ma faataitaiga lelei i Minisita laoglago fou ae le gata i lea o mInisit ao le Kapeneta e faatupu ai le malamalma i galuega faalemalo.
O le tausaga e 1988 o le tofiga Minisita lagolago na muamua faaigoa o se Failautusi Faalepalemene ae na faamanino e le Palemia e ui o le sui o le igoa ae o le tofiga e taua tele ma e tatua ona galue felagolagoma’i ma Minisita taitasi.
O Minisita lagolago e aofia ai;
Minisita Lagolago Matagaluega o le Palemia ma le Kapeneta – Manuleleua Paletasala Talitau Tovale
Minisita Lagolago Matagaluega o Tiute ma Tupe Maua – Masinalupe Makesi Masinalupe
Minisita Lagolago Matagaluega o Faatoaga ma Faigafaiva – Vaele Paiaaua Iona Paiaaua Sekuini
Minisita Lagolago Matagaluega Galuega, o Felauaiga ma Atinae Tetele – Niuava Eti L. Malolo
Minisita Lagolago Matagaluega o Pisinisi Alamananuia ma Leipa – Lagaaia Tiatuau Tufuga
Minisita Lagolago Matagaluega o le Soifua Maloloina – Tea To’oala Peato
Minisita Lagolago Matagaluega o Leoleo ma Falepuipui – Fepuleai Faasavalu Faimata Su’a
Minisita Lagoalgo Matagaluega o Aoga, Taaloga ma Aganuu – Agaseata Valelio Tanuvasa Peto
Minisita Lagolago Matagaluega o Fesootaiga ma Faamatalaga Tekonolosi – Magele Sekati Fiaui
Minisita Lagolago Matagaluega o Tina ma Tamaitai Atinae o Nuu ma Agafesootai – Seuamuli Fasi Toma
Minisita Lagolago Matagaluega o Faamasinoga – Fesolai Apulu Tusiupu Tuigamala
Na faaiu lenei sauniga faalēmalo i se puegaata a le Kapeneta ma a latou Minisita lagolago ma na molimauina e ofisa fasalalau ma le Kapeneta fou.
