Ua faatauto i le asō le Kovana Sili lona 28 o Ausetalia o Samantha Mostyn.
O ia o se faipisinisi ma sa avea foi ma Komesina o le AFL ma ua sui tulaga ia David Hurley sa tauaveina lea tulaga mai tausaga ua tuanai.
O lana saunoaga i le sauniga i le asō na ia ta’ua ai lona naunautaiga ina ia tutufaatasi mo le fausia o se lumanai manuia.
Na ia faailoa foi ua faamanatu atu foi ia te ia e i latou sa iai muamua i lea tofiga e lē na o le matamata i soifuaga o tagata ae ia auai ai ma atagia le agaga faatemokalasi o le atunuu.
O Mostyn le tamaitai lona lua ua umia lea tofiga, o le tamaitai muamua o Quentin Bryce na avea ma Kovana mai le 2008-2014.
Puna o Faamatalaga: https://www.9news.com.au/national/samantha-mostyn-sworn-in-governor-general-australia/d69126be-bb99-439c-88c0-36ff3a94fb92
