O le a faata’ita’i e le aufaigaluega sekulati i falemai i NSW meapu’eata e laeiina i le tino mo le 12 masina ona o se taumafaiga ina ia faaleleia le tulaga tau le saogalemu.

O ia faata’ita’iga ua faia i le mae’a o le tele o le mau mataupu ua feta’ua’ina ai le faaoolima o nisi i le aufaigaluega ma a itiiti mai pe 9 falemai o le a faata’ita’i ai.

O ata ma faamaoniga e maua mai i ia meapu’eata e mafai ona faaaogā i le faamasinoga i mataupu e aafia ai le aufaigaluega.

O le a faatino foi le iloiloga o lea faata’ita’iga pe a mae’a ma ua faailoa e le sui o le iuni o tagata faigaluega i le soifua maloloina, Gerard Hayes o se uluai laasaga tāua lea i le faatāuaina o lamatiaga e feagai ma le aufaigaluega i aso taitasi i le faatinoina o o latou tiute.

Puna o Faamatalaga: https://www.9news.com.au/national/hospital-bodycam-trial-to-improve-security-new-south-wales/796b7c9f-cfb9-4c6b-9e0a-2d8f92bee9d1