Ua lipotia le aafia o se tina ma sana pepe i osofaiga a le augaoi, o talavou i faaitu o Brisbane, Logan ma le Gold Coast.

Ua feta’ua’ina e leoleo poo le ‘afa o le tolu i le vaveao o le Aso Sa na ulufale ai se tamaititi i le pamu penisini i Gardiner Rd i Holmview ma faafefe le tagata faigaluega i se fana.

E lei afaina le tagata faigalluega ae na alu le tamatiti lea ma tupe uma sa i le till o le pisinisi.

Fai mai lipoti o isi foi tamaiti e iai i le kulupu lava lea e tasi na o latou osofaia foi se isi faleaiga i le Gold Coast ma sosola ese mai ai foi ma tupe ma oloa.

Na tuli e leoleo e faaaogā ai le helicopter ma o tuliga ia na aafia atu ai ma si tina lea ma lana pepe sa savavali tonu ane i le auala na tamomo’e atu ai le augaoi.

Ua molia i latou ia e amata mai i le tai 13 tausaga seia oo i le 18 tausaga lea na tulai i le faamasinoga i Brisbane i le aso ananafi i moliaga o le gaoi faaauupegaina.

O le taavale gaoi sa o latou faaaogaina ma o loo faaauau nei suesuega.