O le tomai faafoma’i o se tasi o galuega ma auaunaga e mana’omia tele i lo tatou atunuu i le matagaluega o le soifua mālōlōina ona o le to’agaogao.
Peitai o le faamalieina o aiaiga uma e avea ai ma foma’i faauuina atoatoa le to’a sefululima o alii ma tamaitai o tamafanau a le atunuu ua mae’a a latou a’oa’oga faafoma’i, ua faaopoopo atu nei i le tautua a le matagaluega o le soifua mālōlōina o loo feagai ma le vaaia o le soifua manuia o o tatou tagata i le ao ma le po i le fitu aso o le vaiaso.
O le mae’a o le 2 tausaga sa feagai ai le to’a sefululima lea o foma’i ma galuega faamasani poo le orientation, ua taunuu ai i le avea ma foma’i faauuina atoatoa ma ua aloa’ia ai foi le ofoina atu o lo latou ola ma le soifua e faatino ai lea galuega sili ona tāua mo le atunuu e aafia i āuga o gasegase eseese.
O se vaega o le saunoaga a le Minisita o le Soifua Mālōlōina le afioga Valasi Luapitofanua Toogamaga Tafito Selesele i le sauniga na tauaao ai tusipasi e faamauina aloa’ia ai le avea o fomai e to’a sefululima ma tagata ua faauu atoatoa i le tomai faafoma’i.
O i latou ia e aofia ai:
1. Dr Elaine Claudine Sililo
2. Dr Fogalele Vaesavali Su’a
3. Dr Fiona Seumanutafa
4. Dr Stanley Black
5. Dr Epaggelia Efu
6. Dr Jerome Miracle Vili
7. Dr Persia Ceffery Petaia
8. Dr Benhur Matalavea
9. Dr Gimme Faasuamaleaui
10. Dr Kiwi Anuilagi Gafa
11. Dr Faasulu Nettie Faasalaina
12. Dr Crystal Rukhshana Umar
13. Dr Regina Duseignuer
14. Dr Sila Fanene
15. Dr Derek Taylor
