E 16 matagaluega o le Ekalesia Faapotopotoga Kerisiano Samoa ua faamanuiaina o latou tama tane i le suega ulufale i le Kolisi Faafaifeau i Malua mo le tausaga fou 2025. O le 16 lea o Matagaluega a le ekalesia ua aofia ai Samoa ma atunuu i fafo i Niusila ma Ausetalia.
O le Aso Gafua o lenei vaiaso na faailoa lautele ai e le pulega o le Kolisi Faafaifeau suafa o alii ua pasi i le suega ulufale e aofia ai le toasefulu fitu mai Matagaluega e 10 i Samoa ae toavalu mai matagaluega e tolu i Niu Sila ma le 3 o Matagaluega i Ausetalia.
O i latou ua faamanuiaina i le vasega ulufale i Malua mo le tausaga fou, o Afele Fereti o le Matagaluega o Falealili/Safata/Siumu, Aleni Uelese, ma Talalelei Solomona o le Matagaluega a Apia, Avei Avei, Lui Seumaalataua, Mark Leuluaialii, Taylor Salesulu, ma Ulimasao Fata o le matagaluega a Vaimauga, Christopher Lealiifano o le Matagaluega a Faleata, Fitu Fuimaono, ma Kupa Avaia o le Matagaluega o Manukau i Niu Sila, Gasolo Salima, mai le Matagaluega o Kuiniselani i Saute, Iosefa Fili Tiliga o le Matagaluega a Faasaleleaga, Jake Ropati o le Matagaluega o Niusauelese i Sisifo, Joshua Milford, ma Shalom Timu o le Matagaluega o Aukilani, Junior Amituanai ma Luagia Pua Semu o le Matagaluega o le Itu o tane.
I le Matagaluega o Apia i Sasa’e ua faamanuaiaina ai Kevin Asotasi, Marshall Maua, ma Tagataoletuiatua Vaipua, o le Matagaluega o Lotofaga/Lepa/Aleipata o Kuresa Faaeteete, o Latai Iakopo Nanai o le Matagaluega o A’ana, Lawrence Sio mai le matagaluega o Kuiniselani, , ma Sadat Peteru o le Matagaluega o Niu Sila i Saute. O Ianuari o le tausaga fou ua faatulaga e faia ai tautinoga a i latou e toa 25 ua pasi i le suega ulufale i Malua mo le tausaga 2025.
