Ua lapatai mai leoleo I se tasi o uiga taatele ua matauina I le faaaogaina o upega tafailagi. O le faia lea o faamatalaga faalumaluma tagata ma faamatalaga e faalauiloa ai ni faamaumauga o se tasi e ui e lei faamaonia ia tulaga.

Ua iai tagata ua valaau nei I le itu tau ile faamasinoga ma lona faatinoina ina ia silasila totoa I nisi oo itu e le taumate e tele sona aafiaga I le faiga o suesuegai mataupu faatatau I le faia o uiga mataga lea ua matauina le siitia o ituaiga faamatalaga le manuia ua faia e tagata I luga o upega tafailagi.

Fai mai le lapataiga a leoleo I tagata ia silafia o ia ituaiga amioga e ono faaleagaina ai se tagata o loo tuuaia sese ma ono faaseseina ai ma suesuega faatino a leoleo . Ua faia mai lea lapataiga I le maea ai ose mataupu sa tuuaia ai nisi o tagata pepese I Ueligitone na  tele ai le mau finagalo faaalia I luga o le social media. E iai foi male avanoa e ono faaleaogaina ai se faamasinoga o se tagata o loo tuuaia I se mataupu ona o faamatalaga faailoga tagata pe sese foi o loo agiga solo I luga o ia upega o fesootaiga.

O tagata e faia ni faamatalaga le faamaonia e mafai ona feagai ma ni moliaga o le taufaaleaga, lea la ua lapatai mai leoleo I lea tulaga ma afai e iai ni faasea ise mataupu e tatau ona agai I leoleo e faailoa iai.