O loo naunautai le faigamalo fou e faaititia le faaaogāina o le tapaa e ui i nisi o fuafuaga e toe faalēaogāina ai tulafono e faatatau i le tapaa ma o se faamatalaga lea a le Palemia fou o le atunuu, Christopher Luxon.
Ua ia faailoa i se faatalanoaga ma tusitala i le asō o le taofia o lafoga totogi mo oloa lea sa finau ai le National o le a faaauau pea peitai o le a lē toe faatupeina mai i lafoga mai tagata faatau i atunuu i fafo ae o le a tulimataia suiga ua faia i lalo o le Smokefree Environment and Regulated Products Act 1990 lea e aofia ai ma tulafono tau taumafa tapaa.
Na ta’ua foi e le Palemia fou o le faigamalo o le a aga mai e mananao i auaunaga faalauaitele ina ia faatino mo tagata e fua i o latou manaoga ae lē o le lanu o le tagata.
