Ua faatonuina tagata Kiwi uma e faaaoga fautuaga mai le soifua maloloina ae le o tala salalau I luga o le Facebook
O le tali mai lea a le faatonusili o le soifua maloloina Dr Ashley Bloomfield faatatau I faasilasilaga na tuu I luga o le Facebook e le tasi taitai o le pati a Maori, Rawiri Waititi
O le taeao ananafi na faasilasila ai e Waititi e tatau I tagata uma na o I le koneseti a le Six60 I Hamiltone faapea le fusuaga na faia I le va o Parker ma Fa I le Spark Arena ona faanofoesea I o latou fale
O se post na nunumi ai le toatele ma faapopoleina ai, e le gata mo I latou I Aukilani ao nisi e nonofo I fafo atu o Aukilani
Ae I ripoti o le Koviti mai ia Bloomfield I le aoauli ananafi, ua ia faamanino ai o le nofo I le fale ma faanofoesea ai e mo na o I latou sa I nofoaga ua taua o places of interest poo nofoaga nei na asia pe na galulue ai I latou ua faamaonia I le koviti, ma e faatoa agai mo siaki pe afai ua faalogoina auga o le Koviti O lea ua toe suia faaupuga o le post a Waititi I luga o le Facebook
