O le aso lea ua aloaia ai le siitaga o totogi e faanofoesea ai I latou e omai I visa le tumau, poo temporary visas
O Ie tasi le minute e tea ai le 12 o le vaveao nei lea na amata faamamalu ai lea siitaga
Ae mo I latou e ulufale mai I Niu Sila o paaga, fanau lalo o le 18 tausaga, tagata faigaluega I le soifua maloloina, ae o loo nonofo faatasi I le potu e tasi ma le tagata sitiseni faapea o lona toalua poo le matua foi, o loo iai lava le avanoa e agavaa ai le tau pau lea na iai muamua ae e le I faia le siitaga I le aso
Peitai a leai, e tatau ona totogi le $5520 mo le tagata muamua, faaopoopo iai le isi $2990 mo le isi tagata matua faaopoopo, ae $1610 mo le tamaititi faaopoopo
Taua ai e le matagaluega o pisinisi ma galuega, o lenei suiga o le a fesoasoani ai I nofoaga o faanofoesea ai tagata taunuu mai, ma o loo mafai foi ona iloilo talosaga tuuina atu e soloesea ai nei peimeni mo I latou o faaletonu tulaga tau tupe faapea manaoga faapitoa, a leai o loo maua le avanoa e fetuunai ai le totogiina o nei peimeni
