Ua mafai nei ona agavaa tagata Kiwi e talosaga faalua ai mo working holiday visa e malaga ai i Iapani.
Sa na o le tasi le avanoa e faatalosaga ai mo lenei visa, peitai o le amataga o le masina lea ua faamaonia mai ai e le Matagaluega o le va i fafo a Iapani o lea ua mafai ona maua le isi avanoa.
O tagata agavaa e tatau ona i le va o le 18 ma le 30 tausaga ma e tatau ona faamalieina aiaiga tau i le soifua maloloina faapea ai e lē tatau ona iai se fanau.
E tatau foi i tagata o loo talosaga i le working holiday visa mo Iapani ona malamalama i aiaiga o loo sau ma le suiga o le tulafono, ma e matuai tapu ona faigaluega i falekalapu, nofoaga e faia ai taaloga faitupe, papu ma isi.
O le suiga ua agavaa ai nei tagata Kiwi o loo i totonu o le li’o o tagata faatagaina, o lea foi e faasafua atu i atunuu e iai Peretania, Kanata, Austria ma Denmark.
Puna o Faamatalaga: https://www.rnz.co.nz/news/national/535563/japan-allows-kiwis-to-gain-approval-for-working-holiday-visa-twice
