E ono alu i luga pasese e totogi e tagata Ueligitone mo femalagaa’iga lautele atoa ma le ono faaitiitia o auaunaga a pasi, train faapea vaa feoa’i i le sami.
I faatusatusaga a le puleganuu a Great Wellington ua iloa ai e oo atu i le $134 miliona le ava ua iai nei tupe mo auaunaga i le mae’a fai mai ai o le malo o le a faaitiitia tupe faamatuu mai mo le National Land Transport Programme.
O fuafuaga nei a le malo ua fai mai ai o loo vaavaai e faaalu le $33 piliona mo femalagaa’iga i totonu o le 3 tausaga o i luma, peitai e lē o fiafia iai le puleganuu.
Ua tusi ai le faatonu ia Daran Ponter i faipule faapea isi pulenuu ma le tala e silia ma le 40 poloketi i itu tau femalagaa’iga o lea ua aafia.
O le faaitiitia o tupe faamatuu mai e le malo e faapea o lea na faate’ia ai le puleganuu ma e lei tele foi se faamalamalamaga na aumai ai.
Ua sau ai ma le tele o poloketi aafia ona o tupe nei mai le malo, o lea ua taofia lē tumau a o toe fetuutuuna’i.
Puna o Faamatalaga: Wellington public transport: $134m shortfall in funding – council | RNZ News
