Silia ma le valu itula o faatauanau e leoleo e sau i fafo ma le fale, ma mo le puipuiga o lea na aveesea mai ai foi ma nisi o tuaoi mai o latou fale.
Tusa o le itula e 11 anapo lea na faatoa maua ai se filemu i le va o leoleo Kalaiesetete ma le sa i totonu o lona fale i Beatrice Place i Avonhead, ma lipotia o lea sa faaaupegaina lea tagata.
Na fautuaina ai tagata feoai e taumamao ma lea nofoaga ma i faamaoniga mai le ofisa o leoleo e iai nisi o tuaoi na aveesea mai o latou fale a o tauanau lē sa i totonu o le fale e sau i fafo.
I lea taimi umi tele na faia ai lava faatalanoaga ma leoleo, ma o se taunuuga manuia e leai se isi na faamanu’alia.
O loo faaauau pea ona vaaia leoleo i lea nofoaga a o faasolo ai pea suesuega i le asō.
