A o sauni sui usufono mamalu o le Fono Aoao Faitulafono o le paea’iga 18 a le Palemene, e sasaa faaoti le utu a le faimea i felafolafoa’iga o finagalo i le tala faatatau autū fou o le tupe, o le Aso Faraile ua mavae na taualuga ai i le Fono Faavae a le itumalo o Gagaifomauga 3 le faalauiloaina o le ta’iala o le lumana’i manuia o Samoa, e pei ona avea ma ta’iala e lima ta’ita’iina ai fuafuaga o galuega o le atina’e o le atunuu mo le isi lima tausaga o muamua nei.
O se ta’iala o loo faavae ai fuafuaga o le tala o le tupe ua taoto nei i le laulauafono a le Palemene lea o loo autū i le atina’eina o le soifuaga lautele, tamaoaiga gafataulimaina, faatuatuaina o pulega lelei, faamamaluina o tulafono, ma le saogalemu.
Si’osi’omaga malupuipuia mai aafiaga o le tau, ma le ta’iala lona lima o le lelei faatulaga o galuega tetele ma gafataulimaina atina’e tetele a le malo.
O le taualuga o lea faalauiloa na saunoa ai le ta’ita’i o le malo le afioga i le Palemia, o le sui faipule foi o Gagaifomauga 3 le susuga Laaulialemalietoa Leuatea Polataivao Fosi.
Le ta’ita’i o le malo le afioga i le Palemia susuga Laaulialemalietoa Leuatea Polataivao Fosi i se vaega o lana saunoaga na taualuga ai i lona itumalo le faalauiloa o le ta’iala o le Lumana’i Manuia o Samoa mo le tausaga 2026 i le 2027 ma le tausaga 2030 i le 2031.
