Ua faamatuu ane nei poloa’iga, evacuation orders e Isaraelu ina ia aga’i ese tagata mai le itu i Saute o Lepanona lea ua lipotia o le a faatūtū atu iai osofa’iga a Isaraelu faasaga i le Hezbollah.
Ua una’ia e le vaega o le puipuiga a Isaraelu, tagata ina ia aga’i i le itu i Mātū o le Zahrani River e lata i le tuaoi.
O ananafi na faia ai osofa’iga a Isaraelu i le itu i Saute o Lepanona i le aai o Tyre.
I totonu o le 24 itula ua faamatuu ane ai e Isaraelu lapata’iga ma poloa’iga mo tagata ia aga’i ese mai nofoaga o loo iai i tulaga lamatia ona o osofa’iga o loo fuafuaina.
O le aso 2 o Mati na aafia ai loa ma Lepanona i le taua ina ua osofa’i e le Hezbollah Isaraelu e faaaogā ai loketi ma isi ‘au’upega ina ua faamaonia le fasiotia o le ta’ita’i sa iai o Iran, Ayatollah Kohmeni.
A itiiti mai pe 3,200 tagata ua fasiotia i Lepanona talu ona amata le taua.
Puna o Faamatalaga: https://www.bbc.com/news/articles/cj3pgrpmlklo
