O le finau atu e tetee le pepesi o le delta variant e pei ona aafia ai le atunuu, e le o fesoasoani iai le maualalo o le aofai o tagata ua faia tui puipui mai isi vaega o Aukilani I Saute lea o loo faaauau pea ona aliae mai ai cases fou.
E aofia ai ma vaega o Magele, Clover Park, Manurewa, Papakura ma Favona e pei ona taua ise lipoti mai le Newstalk ile aso.
O le po anapo na faalautele ai lapataiga vaega tolu o le vavao ia aofia ai ma le faaitu o Waitomo I Waikato faapea foi ma Te Kuiti, Waipa ma itumalo o Otorohanga.
O le aso la ua faailoa mai e lua isi cases fou ua aliae mai I North Shore ma o loo faatalanoa ile taimi nei ia sailia nofoaga sa agai iai ma o le a faalauiloa ise taimi o le aso.
O le falemai faaitumalo I Northland ua siitia lana auaunaga I falemai I le siakiina o gasegase ma le faatulagaina o siaki e faia o le faamai atoa ai ma le unaia o le faia o tui puipui e le gata I falemai laiti ae faapea foi ma faletalavai ma health providers a Maoli ma clinics.
O faamaumauga na faalauiloa e le matagaluega o le soifua maloloina I le aso ananafi na faailoa ai o le valu o pitonuu mai pitonuu e 10 aupito I maualalo tagata ua faia tui puipui e aofia ai ma le faaitu o Bay of Plenty ma Northland,
