Ua lipotia i tala mai le One News o le a toe tauva foi Simon Bridges mo le tofi taitai o le vaega faaupufai a le National. O le tausaga e 2018 na avea ai o ia ma taitai ile faatoa maea ona faasee ese mai le minisita o Bill English mai le tofi o le itu agai, lea na mulimuli ane toe suia Bridges e Todd Muller ile tausaga talu ai.

Pei ona silafia e le atunuu o ananafi na lusi ai le avanoa o Judith Collins ile avea ai o ia ma taitai ina ua maea se fonotaga na faia a le vaega faaupufai. O loo taua ile lipoti o le aso Lua o le vaiaso fou ua fuafua e faataunuu ai le palota a le caucus a le National e sailia ai seisi ona taitai fou.

Mo le taimi nei o loo avea Shane Reti ma taitai o le vaega faaupufai aua o ia lea sa avea ma sui taitai ia Judith Collins. I seisi lipoti a le televise tasi o loo taua ai se finagalo faaalia o le sa avea muamua ma loia sili o le malo Christopher Finlayson e faapea talosia ia faaaoga e nisi o sui o le pati e aofia ai Bridges ma Collins le avanoa ile taimi o le tau mafanafana e Iloilo ai poo fea tonu o taatia ai lo latou lumanai i mea tau polokiki ma Iloilo pe ua le alaga tatau loa ona tuu le avanoa i isi sui fou o le pati mo se lelei o tagatanuu ma le vaega faaupufai.