Ua lu’i e le alii kapeteni o le Brumbies, Allan Alaalatoa lana ‘au ina ia faamalolosi mo le isi a latou taaloga o le a sosoo ai e fetaui ai ma le Blues.

O Eden Park e fai a le taaloga lea ma e lei faia’ina lava le Blues i le Brumbies talu mai le 2013.

O loo tulaga lelei taumafaiga a le Brumbies i le taamilosaga o le tausaga nei ma e ui e lei iai lava se ‘au a Ausetalia ua manumaloina se finals e faia i Niu Sila, ae o loo maumauai Alaalatoa e ono mafai ona o latou ausia se isi tulaga pe a fetaui lo latou malosi ma le Blues.

O le ‘au o le a manumalo mai le fetauiga lea o le a fetaui ma le ‘au malo mai le isi semifinals lea e fetaui ai le Hurricanes ma le Chiefs i Ueligitone i le Aso Toonai nei.

Puna o Faamatalaga: https://www.1news.co.nz/2024/06/11/skipper-urges-brumbies-to-muscle-up-against-the-blues