O le vaalele o le Airbus e umia e le kamupani vaalele a le Air Busan na mu i le vaiaso nei i Gimhae International Airport i le itu i Saute o le atunuu a o sauni e tuuvaa atu mo Hong Kong.
E 169 le pasese ma le auvaa e to’a 7 sa iai i luga ma na mafai ona faasaoina uma se’i vaganā nai tagata e to’atolu sa togafitia i manu’aga mai le afi lea na sasao ane i le vaalele.
Fai mai o le pito i tua o le vaalele na amata ane ai le afi ma e telē se vaega o le vaalele ua faaleagaina.
Ua tula’i mai lea faalavelave ae faato’ā atoa le masina o le isi faalavelave i se vaalele foi a Korea i Saute lea na lavea ina ua tulaueleele i Muan Airport ma maliliu ai tagata e 181 ae faasaoina mai na o tagata e to’alua.
Puna o Faamatalaga: https://edition.cnn.com/2025/01/28/asia/air-busan-airbus-fire-south-korea-intl-latam/index.html
