Ua lē manofonofo le Amepasa o le Malo o Saina i Samoa ma lona ofisa, ae ua ave foi le latou lagolago i le sailiga seleni a le Toomaga mo ē Puapuagatia ma tauaao ai e le Peresetene o le Toomaga le siaki tupe e lima sefulu afe tala.
Na faaalia e le amepasa o Saina i se lipoti e le gata o lana foai tupe mo le faaleleia o galuega a lea faalapotopotoga o loo tali atu i mafatiaga o tina ma fanau ua sauaina, ae o le a avanoa foi fomai mai Saina o loo galulue i Samoa e ofoina atu le faia o suesuega faafomai ma togafiti fanau o loo i le vaaiga a le Toomaga.
