O Atele i le nofoaga o loo iai nisi o taumafaiga o le atina’e tau faato’aga ma isi laau totō, o le a fausia ai se fale e avea ma nofoaga e tapena lelei ai oloa mai Samoa a o le’i auina atu i maketi i fafo e faatau ai.
O se tasi o fuafuaga a le malo mo le atina’e o le atunuu e pei ona faatulaga mai e 4 tesimale 5 miliona le tau o lea fale ua ta’ua o se packhouse.
Faaalia e le ta’ita’i o le Malo le tamaitai Palemia i le sauniga na suaina ai le eleele mo le amatalia o lea galuega o se nofoaga e lē gata e mo le aufaifaato’’aga ae o se sao i le galuea’ina o le tamaoaiga mo Samoa.
Ua faatupeina le galuega i lalo o le poloketi mo le siitia o oloa gaosi mai faato’aga ma faigafaiva lea e ta’ua o le SAFROM lea o loo fesoasoani iai le faletupe o le lalolagi ma le faalapotopotoga o fesoasoani o atina’e tau faato’aga a le lalolagi.
Le ta’ita’i o le Malo le afioga i le tamaitai Palemia, afioga Fiame Naomi Mataafa.
O le kamupani o le King Construction na manumalo i le tauofoga na te fausia ai le nofoaga teuoloa fou i Atele.
